HITZAURREA

EZ DUT ATSEGIN BORTXAKERIA. ERASOTZAILEA GIZATASUNIK GABE UZTEN BAITU ETA BIKTIMARI SUFRIMENDU IKARAGARRIA ERAGITEN BAITIO. INDARKERIA DAGOENEAN, FAMILIA, LAGUNAK ETA GIZARTEAK ATSEKABEA, BELDURRA ETA TRISTURA JASAN BEHAR IZATEN DUTE. HALA ERE, SARRITAN TXALOTU EGITEN DUGU BORTXAKERIA, SARRITAN INDARTU EGITEN DUGU ETA HEDABIDEETAKO HEROI EGITEN DITUGU BORTXAKERIA BULTZATZEN ETA ERABILTZEN DUTENAK. HARRIGARRIAK BENETAN INDARKERIAREN AURREAN AZALTZEN DITUGUN KONTRAESANAK.

BADIRA URTE BATZUK EZUSTEAN PRENTSAKO ARGAZKI BAT IKUSI NUELA. GURASO BATZUK AGERTZEN ZIREN, SAMINDURIK, ALABA ZORIGAITZEKO EZBEHAR BATEAN GALDU ZUTELAKO. HONEZKERO OHITU GARA HORRELAKOAK IKUSTERA.

AUSAZKO BORTXAKERIARI ETA INDARKERIA EREDUEI BURUZKO PASADIZOAK ENTZUTEN DITUGU MAIZ. KALEAN GERTATZEN DA ETA GURE ETXEEN "SEGURTASUNEAN".

BIZI-BIZI DAUKAT GORDETA GURASO EMIGRANTE HAIEN IRUDIA, PRENTSAN AGERTU ZENA. AMA (ORAINGOAN BELTZEZ JANTZITA) KANDELAk IZETZEN ARI DA HILETA-ELIZKIZUNEAN.

KRIMINALARI BERARI BAINO, BELDUR HANDIAGOA DIET LEGEAREKIKO ERRESPETUZ JOKATU ETA HAIEI LAGUNTZA EMATEN DIETENEI. BELDURRA DIOT LEGE BARRUKO FANATISMOARI; BELDURRA DIOT LEGE BARRUKO TOLERANTZIARIK EZARI; BELDURRA DIOT LEGEAK BETEZ HEDABIDEETAKO FUNTSIK GABEKO INDARKERIA BULTZATZEARI; BELDURRA DIOT LEGEAK BETEZ POBREZIA ETA ATERPERIK GABEKOAK IRAUNARAZTEARI; BELDURRA DIOT LEGE BARRUAN INGURUGIROA SUNTSITZEARI; BELDURRA DIOT GERRA BIDEZKOA IZAN LITEKEELA ONARTZEN DUEN KRISTAUARI. NIRE SEME-ALABENGATIK, BELDUR NAIZ BORTXAKERIA, ARRAZAKERIA ETA SEXISMOA MURRIZTU BEHARREAN EZ OTE DIREN AREAGOTUKO, ABERTZALETASUNAREN, OHOREAREN, ERLIJIOAREN ETA BOTEREAREN ITXURAK BABESTURIK.

GIZAKIAREN BORTXA-EKINTZAK ZENBAIT GALDERA DAKARZKIGUTE GOGORA, ALEGIA, NORTZUK GAREN BATZUEN ETA BESTEEN ARTEKO HARREMANETAN.

NOR GARA GUZTI HONETAN ETA ZER EGINGO DUGU? GIZARTE SISTEMEK GAINONTZEKOENGAN FEDEA ETA KONFIDANTZA IZATEA ESKATZEN DIGUTE. KONFIDANTZARIK EZ IZATEA INOR EZ MAITATZEA DA. INOR EZ MAITATZEA PENTSAEZINA DA. INORK GU EZ MAITATZEA JASANEZINA DA.